Ni mpango unaolenga kuwajengea mabinti uelewa na ujuzi wa kutumia mitandao ya kijamii kama nyenzo ya kujitangaza, kujifunza na kuendesha biashara zao. Kupitia programu hii, washiriki huwezeshwa kujua mbinu salama za mtandaoni, namna ya kujenga chapa binafsi (personal branding), na kutumia majukwaa kama Facebook, Instagram, TikTok na WhatsApp kwa masoko na biashara ndogo ndogo. Lengo kuu ni kuwawezesha mabinti kutumia teknolojia ya kidijitali kuongeza kipato, ubunifu na usawa wa kijamii na kiuchumi.

Ni programu inayolenga kuwapa vijana, hususan mabinti, ujuzi wa kutumia teknolojia ya kidijitali kwa kujifunza, kuwasiliana na kuendeleza ubunifu wa kibiashara. Kupitia mafunzo na vitendo, washiriki hujengewa uwezo wa kutumia zana za kidijitali kwa ajili ya elimu, ajira na ujasiriamali, hivyo kuwawezesha kuongeza fursa za kiuchumi na kushiriki kikamilifu katika jamii ya kidijitali.

Ni dhana ya kukuza uchumi endelevu unaohusisha matumizi bora ya rasilimali za asili kupitia kilimo rafiki kwa mazingira, kuongeza thamani ya mazao ili kuongeza kipato, kuboresha mifumo ya masoko, na kutumia teknolojia bunifu. Mpango huu unalenga kuimarisha maisha ya wakulima – hususan vijana na wanawake – kwa kuwapatia mbinu bora za kilimo, ujasiriamali na ufikaji wa masoko, huku ukihifadhi mazingira na kupunguza athari za mabadiliko ya tabianchi.

Uchumi Mzunguko ni mfumo wa kiuchumi unaolenga kutumia rasilimali kwa ufanisi kwa kuhakikisha bidhaa, vifaa na malighafi zinatumika tena, kutengenezwa upya, au kuchakatwa badala ya kutupwa. Unapunguza taka, hulinda mazingira, na kuendeleza uzalishaji endelevu kwa manufaa ya jamii na kizazi kijacho.